Հունվար ամիսն ինձ համար եղավ ճակատագրական, դե նկատի ունեմ մուտք կրթահամալիր արդեն, որպես ուսուցիչ։ Կարելի է ասել նաև բազմազբաղ հունվար, անկրկնելի, այնքան հետաքրքիր, որ չգիտեմ, թե, որտեղից սկսեմ։ Ովքեր ինձ ճանաչում են գիտեն, որ ունակ եմ լինելու այստեղ, այնտեղ և ամենուր, բայց այս անգամ մի քիչ ավելի սևեռվեցի << Արևելյան Դպրոց >> պարտեզի և << Հարավային Դպրոց >> պարտեզի վրա։ Սկսեմ Արևելքից․․․ Իվետա Ջանազյանի ջոկատի որոշ սովորողների հետ սկսել եմ բեմադրել Հ․ Թումանյանի << Կիկոսի Մահը >> ներկայացումը, համեմված երգով ու պարով, որը շուտով կցուցադրվի։ Մի փոքր պատմում է Անահիտ Տիգրանյանն ու Հայկ Պողոսյանը։ Պետք է նշեմ, որ << Երևանի Թատրոնի և կինոյի>> պետական ինստիտուտի հետ համատեղ ունեցել ենք նաև կարճամետրաժ ֆիլմի նկարահանման փորձ, որտեղ բացի ինձնից նկարահանվեց նաև Արևելյան դպրոցի սովորող Հայկ Պողոսյանը։ Պատումը՝ բլոգում։ Ֆիլմն այստեղ։ Պետք է նշեմ, որ ազգային պարի և պարերգերի ուսուցում եմ իրականացրել Սաթենիկ Սիմոնյանի, Նելլի Թովմասյանի, ինչպես նաև Մերի Գրիգորյանի երկրորդ դասարանի սովորողների հետ։ Սովորել ենք Կարնո քոչարի, Բուլուլ, Վերվերի, պարերգերից Լեյլ լե լե(Մայրո) , ինչպես նաև Հռիփսիմե Առաքելյանի և Անահիտ Հարությունյանի սովորողների հետ սովոել ենք << Էջմիածին >> պարն ու պարերգը։ Հարավային դպրոցում Մոնիկա Տոնոյանի երրորդ դասարանի և Հասմիկ Պողոսյանի չորրորդ դասարանի սովորողների հետ համատեղ սկսել ենք Հ․ Թումանյանի << Մի կաթիլ >> մեղր ներկայացումը, որը նույնպես համեմված է երգով, պարով և մի փոքր 21-րդ դարի մոտիվներով։ Հունվարյան ստուգատեսային ճամբարն ինձ համար այսպիսին էր։
( Հունվարյան Ստուգատեսային ճամբարի ) Ամփոփում
Запись опубликована в рубрике Uncategorized. Добавьте в закладки постоянную ссылку.
Արեգ Տոնոյան 